Home DİN Bakıda 16 yaşında qız öldürüldü

Bakıda 16 yaşında qız öldürüldü

113
0

Dünən Abşeronda dəhşətli hadisə baş verib. 16 yaşlı qız xüsusi amansızlıqla qətlə yetirilib.

Sosialxeber.az xəbər verir ki, hadisə Hökməli qəsəbəsində qeydə alınıb.

2006-cı il təvəllüdlü qız 26 yaşlı nişanlısı Murad Həsənovla şəxsi münasibətlər zəminində yaranan münaqişə zamanı bıçaqlanıb. Hadisədən sonra xəstəxənaya aparılan 16 yaşlı qızın həyatını xilas etmək mümkün olmayıb.

Qətl baş verən ərazidə Baş Prokurorluğun kriminalist ekspertləri olublar. Müayinələr aparılıb, iş üçün əhəmiyyət kəsb edən sübutlar toplanılıb.

Qəsəbə sakinlərinin İTV-yə verdikləri məlumata görə, qətldə şübhəli bilinən şəxs Hökməlidən olsa da Xırdalanda yaşayıb. Nişanlısı ilə görüşmək üçün qəsəbəyə gəlib. Əvvəlcə onu evlərinin yaxınlığındakı məscidin yanına söhbətə çağırıb. Söhbət zamanı 16 yaşlı qızı başqa bir oğlanla danışmaqda ittiham edərək mübahisə yaradıb. Bu zaman qız onun bu söhbətlərindən bezdiyini və nişanı geri qaytaracağını söyləyib.

Aralarında yaranan münaqişə nəticəsində oğlan bıçaqla ona bir neçə dəfə xəsarət yetirib. Bıçaq zərbələrindən biri yeniyetmənin boğaz nahiyəsinə vurulub. Yaralı yaxınları tərəfindən xəstəxanaya çatdırılsa da onun həyatını xilas etmək mümkün olmayıb.

Azyaşlı qız bir il yarım bundan əvvəl 14 yaşı olarkən nişanlanıb. Lakin toyları qızın 18 yaşı olandan sonra baş tutacaqdı.

Previous articleKəlbəcərdə texnikamızı atəşə tutublar
Next articleXəstəxanada atışma: 2 tibb bacısı öldü

LEAVE A REPLY

Please enter your comment!
Please enter your name here