Home Hadisə “Azərişığ”ın sabiq əməkdaşlarına cinayət işi açıldı

“Azərişığ”ın sabiq əməkdaşlarına cinayət işi açıldı

188
0

ASC-nin Mingəçevir Mərkəzi “Aran” Regional Enerji Təchizatı və Satışı İdarəsinin sabiq əməkdaşları Rəsul Abuşov və Rəfael Rəhimovun vətəndaşdan pul tələb edib almaları faktı ilə bağlı Cinayət Məcəlləsinin (CM) müvafiq maddələri ilə başlanmış cinayət işinin istintaqı yekunlaşdırılıb.

Sosialxəbər.az bildirir ki, Bu barədə Axar.az-a Yevlax Rayon Prokurorluğundan məlumat verilib.

Belə ki, aparılan istintaqla R.Abuşov və R.Rəhimov tərəfindən tamah məqsədilə öz qulluq səlahiyyətlərindən istifadə etməklə Yevlax rayon sakininin fərdi yaşayış evinə baxış keçirilərkən sayğacdankənar işıq xəttinə qoşulma müəyyən edilsə də, bununla bağlı akt tərtib edilməməsi müqabilində vətəndaşdan rüşvət almalarına əsaslı şübhələr müəyyən edilib.

R.Abuşov və R. Rəhimova CM-nin 308.1-ci (vəzifə səlahiyyətlərindən sui-istifadə) və 311.3.1-ci (qabaqcadan əlbir olan bir qrup şəxs tərəfindən rüşvət alma) maddələri ilə ittiham elan edilib.

Hazırda cinayət işi baxılması üçün Şəki Ağır Cinayətlər Məhkəməsinə göndərilib.

Previous articleYevlaxda ata və oğlu saxlanıldı
Next articleBakını hədələyən erməniyə azərbaycanlı belə dərs verdi – Video

LEAVE A REPLY

Please enter your comment!
Please enter your name here