Home Cəmiyyət Azərbaycan və Braziliya XİN-ləri arasında siyasi məsləhətləşmələr…

Azərbaycan və Braziliya XİN-ləri arasında siyasi məsləhətləşmələr…

50
0

Braziliyanın paytaxtı Braziliya şəhərində Azərbaycanın Xarici İşlər Nazirliyi (XİN) ilə Braziliya Xarici Əlaqələr Nazirliyi arasında siyasi məsləhətləşmələrin növbəti (3-cü raundu) keçirilib.

Sosialxəbər.az bildirir ki, Bu barədə Axar.az-a Azərbaycan XİN-in Mətbuat xidmətindən məlumat verilib.

Siyasi məsləhətləşmələr zamanı ikitərəfli münasibətlərin mövcud vəziyyəti, habelə siyasi, iqtisadi və humanitar sahələrdə qarşılıqlı faydalı əməkdaşlığın genişləndirilməsi müzakirə edilib. Bununla yanaşı, tərəflər regional və beynəlxalq təşkilatlar çərçivəsində tərəfdaşlıq perspektivlərinin inkişafına dair fikir mübadiləsi aparıblar.

Həmçinin, Braziliyaya səfəri çərçivəsində xarici işlər nazirinin müavini Elnur Məmmədov Braziliya Prezidentinin xarici siyasət məsələləri üzrə müşaviri Filipe Martins, kənd təsərrüfatı nazirinin müavini Marcio Eli Almeida Leandro və Braziliya Parlamentində Braziliya Azərbaycan dostluq qrupunun üzvləri ilə görüşlər keçirib.

Keçirilən görüşlər çərçivəsində ikitərəfli münasibətlərin perspektivləri, iqtisadi əməkdaşlığın genişləndirilməsi, parlamentlərarası əlaqələrin vacibliyi müzakirə edilib, dövlətlər arasında təmasların artırılmasının əhəmiyyəti vurğulanıb.

Previous articleİrəvanda mitinqlərin hədəfi: yeni taktika tətbiq edilir
Next articleMüdafiə Nazirliyi əsgərlərimiz üçün kitab toplayır

LEAVE A REPLY

Please enter your comment!
Please enter your name here