Home QHT Məhbus ailəsinə psixoloji dəstək göstərildi

Məhbus ailəsinə psixoloji dəstək göstərildi

242
0

Sosialxəbər.az xəbər verir ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Beynəlxalq Əlillər Cəmiyyəti” İB-in (BƏC İB) həyata keçirdiyi “Həssas sosial qruplara aid vətəndaşlar üçün tibbi, hüquqi və psixoloji xidmətlərin təşkili” adlı layihə zamanı məcburi köçkün, Qarabağ müharibəsi veteranı, 2-ci qrup əlil Namiq Hüseynov İctimai Birliyə müraciət etmişdir. O, bildirmişdir ki, övladı Heydər Əliyev adına Ali Hərbi Məktəbi bitirib, N saylı hərbi hissədə taqım komandiri vəzifəsində xidmət edib.

İşində etdiyi səhlənkarlığa görə o, 4 il müddətinə azadlıqdan məhrum edilib. Bu müddətdə özünü nümunəvi aparıb, tutduğu əməldən də çox peşimanlıq çəkir. 2020-ci ildə Vətən müharibəsi başlayanda o, da digər həmvətənlərimiz kimi biganə qala bilməyərək ön cəbhəyə göndərilməsinə köməklik üçün valideynləri vasitəsi ilə bizə müraciət etmişdi. İndi isə valideynləri İlyas Hüseynovun əhf olunmasına köməklik göstərməyi xahiş edirlər. Onu da qeyd edək ki, CCM-da özünü intizamlı və nümunəvi apardığına görə İ. Hüseynovun cəzası 3 ay azaldılmışdır, cəzasının bitməsinə isə 6 ay qalıb.

BƏC İB İ.Hüseynovun peşimanlığını, özünü intizamlı aparmasını, eləcə də yaşlı, xəstə valideynlərinin xahişini nəzərə alaraq onun əhf olunmasına köməklik göstərilməsi üçün aidiyyəti dövlət təşkilatlarına rəsmi məktubla müraciət edib. Namiq Hüseynov oğlunun səhfi üzündən uzun müddətdir ki, psixoloji gərginlik yaşayır. Odur ki, layihənin psixoloqu İbrahim Əsədli Namiqlə görüşüb seans keçirdi, ona mənəvi-psixoloji dəstək verdi. Bundan başqa BƏC İB–in sədri Tahir Xudiyev maarifləndirmə məqsədi ilə layihə çərçivəsində nəşr edilmiş “İmtiyazlı şəxslər üçün məlumat kitabı”nı Namiq Hüseynova təqdim etdi.

Previous article“Ziyalı Ocağı” İctimai Birliyi “Şanlı Vətən, İgid əsgər, Böyük Komandan” adlı tədbir keçirdi
Next articleRusiya bütün istiqamətlərdə hücumları dayandırdı

LEAVE A REPLY

Please enter your comment!
Please enter your name here