Home Cəmiyyət Tarixi abidələrlə bağlı vətəndaşlara müraciət edildi

Tarixi abidələrlə bağlı vətəndaşlara müraciət edildi

53
0

Mədəni İrisin Qorunması, İnkişafı və Bərpası üzrə Dövlət Xidməti tarixi abidələrə müdaxilə ilə bağlı vətəndaşlara müraciət edib.

Sosialxəbər.az müraciətin mətnini təqdim edir:

“Ölkə ərazisində yerləşən tarix-mədəniyyət abidlərinin qorunması, bərpa və konservasiyası, eləcə də gələcək nəsillərə çatdırılması Mədəniyyət Nazirliyi yanında Mədəni İrisin Qorunması, İnkişafı və Bərpası üzrə Dövlət Xidmətinin fəaliyyət istiqamətinin əsasını təşkil edir.

Zaman-zaman müxtəlif ərazilərdə yerləşən tarixi abidələrə müdaxilə halları qeydə alınır. Belə faktlar müəyyən edilərək qarşısı alınsa da, bəzi hallarda həmin abidələrin bərpası işini tamamilə əngəlləmiş olur.

Tarix-mədəniyyət abidələrinə müdaxilə halları daha çox dağlıq və meşəlik ərazilərdə, həmçinin sosial-iqtisadi fəaliyyətin gur olan yerlərində də baş verir.

Bildiririk ki, tarix-mədəniyyət abidələrinə müdaxilə qanunvericiliklə müvafiq hüquqi məsuliyyət yaradır.

Bir daha vətəndaşlarımızdan xalqımızın əsrlər boyu yaratdığı mədəni irs nümunələrinə həssas yanaşmaqla milli kimliyimizi özündə yaşadan abidələrin gələcək nəsillərə ötürülməsinə yardımçı olmalarını, eləcə də tarix-mədəniyyət abidələrinə müdaxilə faktları ilə bağlı Dövlət Xidmətinə məlumat vermələrini xahiş edirik!”

Previous articleSumqayıtda AVP Qadınlar Şurası “Beynəlxalq Qadınlar Günü” ilə əlaqədar tədbir təşkil etdi
Next article“Multikulturalizmin həyat tərzinə çevrildiyi Azərbaycan”

LEAVE A REPLY

Please enter your comment!
Please enter your name here