Home Dünya Ukraynadan təxliyə edilən 176 Azərbaycan vətəndaşı Bakıya gətirilib

Ukraynadan təxliyə edilən 176 Azərbaycan vətəndaşı Bakıya gətirilib

68
0

Ukraynadakı vəziyyətlə əlaqədar Rumıniyaya təxliyə olunmuş 176 Azərbaycan vətəndaşı AZAL-ın təyyarəsi ilə Bakıya gətirilib.

Onları Heydər Əliyev Beynəlxalq Hava Limanında yaxınları qarşılayıb.

Qeyd edək ki, Rumıniya ilə əldə edilmiş razılıq əsasında Azərbaycan vətəndaşlarının tranzit keçidi üçün viza tələbi müvəqqəti olaraq qaldırılıb, vətəndaşlar tərəfindən yalnız səyahət sənədi təqdim edilir, COVID-19 pasportu və PCR testinin neqativ nəticəsi mütləq şəkildə tələb edilmir.

Xarici İşlər Nazirliyinin yaydığı məlumata görə isə Ukraynada hərbi əməliyyatların başlanmasından bu günədək quru yolla qonşu ölkələrdən Moldova Respublikasına 950 nəfər vətəndaşımız, Polşa Respublikasına 447 nəfər vətəndaşımız, Macarıstana 17 nəfər vətəndaşımız, Rumıniyaya 200 nəfər vətəndaşımız, Slovakiya Respublikasına isə 13 nəfər vətəndaşımız daxil olub.

Previous articleZelenski: Təhlil edib, sonra danışıqlara gedəcəyik!
Next articleBlinken Kuleba ilə danışdı

LEAVE A REPLY

Please enter your comment!
Please enter your name here