Home Dünya Zelenski növbəti 24 saatı niyə “həlledici” saydı?

Zelenski növbəti 24 saatı niyə “həlledici” saydı?

96
0

Ukrayna lideri Zelenski Britaniya Baş naziri Consonla telefon danışığında növbəti 24 saatın Ukrayna üçün həlledici olacağını deyib. İngiltərə baş naziri müttəfiqləri ilə birlikdə müdafiəni təşkil etmək üçün əlindən gələni edəcəyini bildirib.

Rəsmi Kiyev Qərbdən gözlədiyi silah yardımını, xüsusilə döyüş təyyarələri və hava hücumundan müdafiə sistemlərinin verilməsini tezləşdirmək istəyir: müharibənin gedişi haqda məlumatlar da göstərir ki, mövqe döyüşlərində işğalçılara keçid verməyən Ukrayna ordusunun çətinliyi hava əməliyyatlarındadır.

Ukraynanın zəif nöqtələrini bilən Rusiya bu müddətdə hücumlarını, xüsusilə bombardmanı gücləndirə bilər:

Birincisi, hücumun beşinci günündə Putin generallarından ciddi nəticə tələb edir;

İkincisi, Ukraynanın Qərbin verəcəyi silahlarla müdafiənin boşluqlarını doldurmasına imkan verməməyə çalışacaq;

Üçüncüsü, mümkün danışıqlar masasında üstün mövqe əldə etmək istəyir: hücumda istədiyi nəticəni əldə edə bilməyən Moskvanın şərtlərinin Kiyev tərəfindən qəbul edilməsi mümkünsüz görünür, əslində Zelenskinin dediyi “həlledici 24 saat” da bununla bağlıdır, çünki Putin danışıqlardan sonra hücumun təzyiqini daha da artıracaq; istisna deyil ki, Ukrayna tərəfi cəbhədə müdafiəni gücləndirmək məqsədlə danışıqları uzatsın.

Bunun fonunda “Tayms” nəşrinin yaydığı məlumat diqqət çəkir: Putin “Vaqner” qrupunun 400 üzvünü Zelenski və Ukrayna hökumətinin bəzi nümayəndələrini öldürməsi üçün hərəkətə keçirib.

Mövcud vəziyyətdə bunun Qərb mediasının iddiası olduğunu demək çətindir, çünki Putinin Ukrayna hakimiyyətini dəyişmək planında bu variantın da olduğu istisna deyil: hücumun beşinci günündə də Kiyevin müdafiəsini yara bilməyən və yarmaq imkanı getdikcə çətinləşən Rusiya sui-qəsd ssenarisini işə salır.

Previous articleUkraynanın bu şəhəri məhv oldu
Next articleBakıda fəhlə faciəvi şəkildə öldü

LEAVE A REPLY

Please enter your comment!
Please enter your name here