Home Dünya Yeganə şans Əliyevdir – Razuvayevdən sensasiya

Yeganə şans Əliyevdir – Razuvayevdən sensasiya

151
0

Əslində, Ukraynanın şərqindəki vəziyyətin mühüm iqtisadi komponenti var ki, ondan danışmaq xoş deyil. Qərb Kiyevi siyasi və hərbi sahədə dəstəklədi. Amma bu, kifayət deyil. Ukraynaya təklif olunan Avropaya inteqrasiya sxemi o vaxt Polşa, Türkiyə və Baltikyanı ölkələrə təklif olunan sxemə bənzəyir. Bu sxem Polşa və Türkiyədə uğurla işlədi, Baltikyanı ölkələrdə isə uğursuz oldu. Sxem Avropanın hazır ixrac bazarları üçün Ukraynada istehsal müəssisələrinin yaradılmasında Avropa şirkətlərinin irimiqyaslı investisiyalarını nəzərdə tutur. İqtisadiyyatı modernləşdirmək üçün Ukraynaya ildə 20 milyard dollar lazımdır. Şəxsi investisiya. Ancaq Avropa şirkətləri bu pulu vermədi.

Sosialxəbər.az xəbər verir ki, bunu rusiyalı ekspert Aleksandr Razuvayev deyib.

“Əgər Ukrayna iqtisadiyyatının modernləşdirilməsi baş tutsaydı, indi vəziyyət tamam başqa cür görünərdi. İkinci Dünya müharibəsindən sonra daha çətin vəziyyətdə olan Qərbi Almaniya iqtisadiyyatı da 8 il ərzində analoji sxemlə yüksəldi. Rusiya çox şanslı ölkədir, genişmiqyaslı böhran zamanı onun iqtisadiyyatı xammalın yüksək qiymətləri ilə dəstəklənir. Ancaq Rusiya müharibə istəmir, çünki Qərbin sanksiyaları Rusiyanın orta təbəqəsinə çox ciddi zərbə vurur. Rusiya maliyyə bazarının iştirakçılarının fikrincə, bu halda, 1 dollar 100 rubl ola bilər və səhm bazarı sadəcə sıfırlanar”, – Razuvayev bildirib.

Onun sözlərinə görə, bu vəziyyətin qlobal riskləri də var. Genişmiqyaslı hərbi münaqişə bütün dünya bazarlarında, o cümlədən ABŞ fond bazarında tənəzzülə səbəb olar:

“Bu da təbii olaraq ABŞ istehlakçılarının inamına və Baydenin reytinqlərinə zərbə vuracaq. Prinsipcə, Ukrayna sadəcə bir bəhanədir. Rusiya NATO-nun daha da genişlənməsini qəbul etmir və indi onun Qərblə ən azı bərabər səviyyədə danışmağa imkan verən hərbi gücü var. ABŞ üçün vəziyyət də prinsipial əhəmiyyət kəsb edir. Əfqanıstandakı uğursuzluqdan sonra Ukraynadakı uğursuzluq qəbuledilməzdir. Heç bir tərəf də geri çəkilmək istəmir, çünki bu, sifətin itirilməsidir. İndi tez-tez eşidirəm ki, müharibəni kimsə istəmirdi, müharibə qaçılmaz idi. Bizə Moskvada, Kiyevdə, Avropa Birliyində, ABŞ-da allergiya yaratmayan, etibarlı vasitəçi lazımdır. Azərbaycan Prezidenti İlham Əliyevdən başqa fiqur görmürəm. İlham Əliyev artıq Moskvadadır. Ola bilsin ki, bu, Avropada müharibədən qaçmaq, sülhü saxlamaq üçün sonuncu və yeganə şansdır”.

Previous articleBirinci vitse – prezidentin fəaliyyətinin 5 illiyi münasibəti ilə təbrik etdi
Next articleDanielyan: Əliyev və Putin İrəvanın taleyini həll edir

LEAVE A REPLY

Please enter your comment!
Please enter your name here