Bakının Nərimanov Rayon İcra Hakimiyyəti qarşısında “Sipark” tikinti şirkətindən narazı olan sakinlər aksiya keçirir.
Sosialxəbər.az Reрortyor.info-ya istinadla xəbər verir ki, tikinti firması tərəfindən uzun müddətdir aldadılan və mənzillərlə təmin olunmayan sakinlər Nərimanov rayon icra başçısı Abdin Fərzəliyevlə görüş tələb edirlər.
Sakinlər deyirlər ki, icra başçısı onları qəbul etməsə, Prezident Administrasiyasına yürüş edəcəklər.
Şikayətçilər aksiyada bildiriblər ki, “Sipark” şəhərin Təbriz küçəsində çoxmənzilli bina tikir, amma illərdir inşaat yekunlaşmır, evlərini təhvil vermirlər.
