Fotosu təqdim edilən bu bayraq dirəyi Qazaxın işğal altında olan Əskipara kəndində qoyulub. Erməni mənbələr dirəyin Azərbaycan bayrağının asılması üçün hazırlandığını yazır.
Ehtiyatda olan erməni polkovnik-leytenant Razmik Qriqoryan deyir ki, fotonu ona dostu göndərib: “Bayraq dirəyinin məqsədini kənddə yaşayanlardan soruşub. Bildiriblər ki, dirək bir neçə gün öncə qoyulub. Proses Dilicana (Tavuş) çatdı, dirəkdə Azərbaycan bayrağı dalğalanacaq”.
Rusiya hərbçiləri də Əskipara kəndinə yerləşdirilib. Onların gəlişinin Qazaxın 7 kəndi istiqamətində sərhədin delimitasiyası prosesi və o istiqamətdən keçəcək kommunikasiya marşrutu ilə bağlı olduğu ehtimalı var.