Ölkənin əmtəə bazarında satılan bütün malların, eləcə də qida mallarının etiketində xarici dillə yanaşı, Azərbaycan dilində mütləq məlumat olmalıdır.
Sosialxəbər.az bildirir ki, Bunu Axar.az-a açıqlamasında Azad İstehlakçılar Birliyinin sədri Eyyub Hüseynov deyib.
“Dil haqqında və yeyinti məhsulları haqqında qanunda, o cümlədən Nazirlər Kabinetinin 94 saylı qərarında və digər qanunvericilik aktlarında birmənalı şəkildə bu, göstərilir. Yeyinti məhsulları haqqında qanunda qeyd olunur ki, malın tərkibi barədə istehlakçıya etiketdə məlumat verilməlidir. AZZA-nın belə hala yol verməsi istehlakçı hüquqlarının və dövlətin bir çox qanunlarının pozulmasıdır”.
Qeyd edək ki, dünən hüquqşünas Fərhad Mehdiyev AZZA-da tərkibində donuz əti olan kolbasa-sosis məhsulları satılması ilə bağlı məlumat yaymışdı.