İran hakimiyyəti koronavirusla əlaqədar ölkədə yenidən bir sıra məhdudiyyətlər tətbiq etmək barədə qərar qəbul edib.
Sosialxəbər.az xəbər verir ki, bu barədə İranın Koronavirusla Mübarizə Milli Şurasının sözçüsü Əli Rza Rəisi məlumat yayıb.
O bildirib ki, ölkədə yoluxmanın artması səbəbindən 16-21 avqust tarixlərində tətil elan edilib. Şəhərlərarası gediş-gəliş 15 avqust saat 12:00-dan 21 avqust tarixinədək məhdudlaşdırılıb. Həmçinin ölkədə ticarət mərkəzləri, dövlət ofisləri və bankların bağlı olacağı bildirilib.
